KORONADAL CITY – Hugot ang preparasyon sang mga atleta halin sa nagkalain-lain nga division sa bug-os nga Region XII para sa patigayunon nga 2024 Socsksargen Regional Athletic Association Meet(SRAA) 2024.
Ini ang nanginpahayag ni Mr. Magdaleno Jojo Duhilag ang Regional Spors Officer sang DEPED XII sa interbyu sang Bombo Radyo Koronadal.
Suno pa sa iya, yara na sa 95 tubtub 96 porsyento nga preparado na ang tanan bangud sa ginahimo nga mga coordination meeting kag seminar nga ginhiwat sa General santos City kung sa diin naplastar man suno pa ang tanan.
Nahibaluan nga ma yara sang pahampang para sa individual ukon man group category kag sa mga magadaog ukon man mapilian amo ang magapadulong para sa Palarong Pambansa.
Gindugang pa ni Duhilag nga sa subong nga tuig 2024 ang pito ka team sports wala na sang qualifying kay bangud magadiretso na sa Palarong Pambansa.
Samtang, ang measuring events nga amo ang Athletic, Swimming kag Archery kay may yara sang quality standard nga dapat pagasundon nga kung sin-o man ang makabeat sa tie hindi gid makakadto sa Palarong Pambansa.
Pagalauman naman ang madamo nga sorpresa sa opening ceremony sa palaabuton nga Mayo 13,2024 sa General Santos City.
