Naglab-ot sa masobra 100 ka pamilya ang nagbalakwit bangud nangin apektado sang engkwentro sa tunga sang duha ka gruppo sa Aleosan Cotabato.
Sandig sa report sang Aleosan PNP, gilayon nga nagpatigayon sang dayalogo ang talatapan ni Aleosan Mayor Eduardo Cabaya kag MP Kellie Antao matapos ang tensyon nga nagluntad sa bahin sang Sitio Tubak, Barangay Pagangan, Aleosan, Cotabato.
Bangud sa nagluntad nga engkwentro sa duha ka grupo, nagtuga ini sang kahadlok sa mga residente sa lugar rason nga nagbalakwit ang mga ini.
Sa karon, suno sa datos sang PNP, naglab-ot sa 126 ka pamilya ang nangin apektado kalakip na ang 92 gikan sa Sitio 2, samtang 12 naman ang nagikan sa Lower Pagangan, 10 sa Sitio 6, 11 gikan sa Dalangaoen kag isa sa Nalapaan.
Nahibaluan nga gilayon man nga naghatag sang bulig ang MDRRMO sa mga pamilya nga nagbakwit.
Sa subong, ginahibalo pa ang gintunaan sang tensiyon samtang nagpatunga na ang militar kag kapulisan sa lugar agud nga indi na magluntad liwat ang engkwentro.
