KORONADAL CITY – Klaro nga harasshment kag pagpangbully ang ginhimo sang Chinese Coast Guard sa Philippine Coast Guard sa Ayungin Shoal incident sang damlag lang samtang nagapatigayon sang resupply mission ang mga suldado nga Pinoy.
Ini ang ginpahayag ni Mayor Eliorodo Ogena sang siyudad sang Koronadal sa interview sang Bombo Radyo. Suno kay Ogena, ginhimo ini sang China bangud nakita nila ang kahuyang kag kapigaduhon sang pungsod tungod sa aton ekonomiya nga indi maayo.
Indi man tama nga pabay-an na lamang nga daw ginatrato lamang kita nga probinsiya sang China.
Apang, indi buot silingon nga powerful ang China indi kita dapat magpasugot nga i-harass kag e-bully na lamang prime.
Aminado man ang alkalde nga kulang sang pagka-patriotismo ang pila ka mga yara sa posisyon gani kinahanglan nga maghimo sang measures nga mangin mapag-on ang pungsod sa ekonomiya, mangin progresibo agud nga respetuhon man sang iban nga pungsod.
Kinahanglan naton nga magsandig sa aton nga pwersa bangud wala sang permanente nga kaaway ukon abyan kundi permanente nga intetest sang sin-u-man.
Kaangot sini, kinahanglan makig-alyado ang pilipinas sa mga pungsod nga nagapakita sang simpatiya sa aton.
Ginaawhag man sang alkalde ang tanan nga panahon na agud ipakita ang pagpalangga sa aton nga nasyon.
