Ginkalipay sang fans sang rap-rock band nga Linkin Park ang ila pagbalik sa eksena pagkatapos sang pito ka tuig.
Ginpahibalo sang banda ang ila mga bag-o nga bokalista nga si Emily Armstrong halin sa bandang Dead Sara kag ang bag-o nga drummer nga si Colin Brittain nga nagbaylo kay Rob Bourdon.
Si Brittain, nga kilala sa paghimo sang mga kanta kag isa man ka producer, upod sa mga orihinal nga miyembro nga sanday rapper Mike Shinoda, guitarist Brad Delson, DJ Joe Hahn, kag bassist Phoenix.
Maibal-an nga sang 2017, nag-untat ang banda matapos ang pagkamatay sang ila bokalista nga si Chester Bennington.
Sa social media account sang banda, ginpahayag man nila ang mga bag-o nga kanta kag ang mga upcoming nga shows.
Ginpagwa man nila ang bag-o nga album nga “From Zero” sa maabot nga Nobyembre 15 nga may 11 ka kanta lakip na ang lead single nga “The Emptiness Machine”.”
