Nagapadayon sa karon ang imbestigasyon sang otoridad indi lang sang kapulisan pati man ang suldado sang 6th Infantry Division Philippine Army bangod sakop man sang mga suldado ang nasambit nga lugar kung sa diin pilason si Vice Mayor Omar Samama sang maigo ini sang bala sa isa ka shooting insident sa bahin sang Barangay Magaslong, Datu Piang, c ini ang ginkumpirma ni LtCol. Roden Orbon – tigpamaba sang 6th Infantry Division PA sa interview sang bombo radyo koronadal.
Suno kay Orbon nagluntad ang shooting insident pasado 10:30am kahapon nga adlaw, sang Lunes, February 24.
Nagatigayon suno pa sang community outreach program ang nasambit nga bise mayor sa Brgy Magaslong, Datu Paing, Maguindanao sang ginpalukpan ini sang indi pa makilala nga suspek.
Malayo suno ang distansya sang suspek sa bise mayor kag nagamit suno pa ini sang silencer agud indi mabatian ang paglupok sang indi pa mahibal-an nga sahi sang armas luthang.
Gindala man sa malapit nga clinic si Samama agud tagaan sang first aid kag dalayon man gindala sa Cotabato medical Center agud magrecover.
Ang nasambit nga community outreach ang isa sa ginakabig nga flag ship progam sa Datu Piang nga kung sa diin gina-updan man ini sang mga suldado kag kapulisan..
