Timprano nga nagtakop ang kampanya ni Alex Eala sa French Open matapos ini malutos ni Iva Jovic sa straight sets nga 6-4, 6-2 sa una nga round sang torneo sang Martes.
Madasig nga nakapanguna si Jovic sa una nga set matapos ini makaabante sa 5-1 nga kalamangan.
Apang nakabawi si Eala sang nagdaog siya sa tatlo ka sunod nga hampang agud mapakunhod ang agwat.
Apang, nabawi liwat ni Jovic ang momentum kag nakuha niya ang una nga set.
Sa ikaduha nga set, si Eala ang una nga nakapuntos antes nagdaog si Jovic sa masunod nga duha ka laro.
Nakadugang pa sang isa ka laro ang Filipina tennis star, apang nagpalayo gid si Jovic matapos niya madomina ang nabilin nga bahin sang hampang.
Bisan nalutos siya sa singles competition, padayon gihapon nga magahampang si Eala sa doubles tournament upod kay Victoria Mboko sa clay-court Grand Slam.
Sa karon, world no. 17 si Jovic nga 18-anyos pa lamang, samtang si Eala, nga bag-o lang nagselebrar sang iya ika-21 nga kaadlawan, yara sa world no. 37 nga ranking.
