KORONADAL CITY – Gindumdom sang anay nga tiglikom sang Department of Interior and Local Government (DILG) ang maayo nga pag dumala sang nagtaliwan nga anay presidente sang Pilipinas nga si pangulong Benigno ‘Noynoy’ Aquino III kag ang dedikasyon sini sa trabaho labi na sa pagpasangkad sang gahom sang Local Government Units (LGU) sa una nga death anniversary sang presidente.
Sa interview sang Bombo Radyo Koroanadal kay Former DILG Secretary Mike Sueno, ginpahayag sini, nga maayo nga pangulo sang Pilipinas si Noynoy bangud nag tutok ini sa ikaayo sang Local Government sang Pilipinas.
Dugang pa sini, kun may ara man sang halandumon nga halin sa Aquino administration ini ang pag empower sang DILG sa diin nangin dako man ang kabulig ang nagtaliwan nga DILG Secretary nga si Jessie Robredo.
Suno pa kay Sueno, maayo nga tikang ang tandem sang Aquino-Robredo Tandem sa pagpasangkad sang mga LGUs nga tubtub sa subong gina basehan sa gihapon sang mga opisyal.
Madumduman nga nagtaliwan si pangulong Benigno ‘Noynoy’ Aquino III bangud sa renal disease secondary to diabetes.
