Gin-aprubahan sang House of Representatives of the Philippines ang Committee Report 261 nga may kaangtanan sa impeachment complaints batok kay VP Sara Duterte matapos makakuha sang 255 ka boto pabor, 26 ang indi pabor, kag 9 ang nag-abstain sa ginpatigayon nga nominal voting subong nga adlaw.
Bangud sini, liwat nga na-impeach si Duterte matapos makuha sang Kamara ang kinahanglan nga numero sang boto agud mapadala sa Senate of the Philippines ang Articles of Impeachment para sa paglilitis.
Suno sa Konstitusyon, kinahanglan lamang ang indi magnubo sa isa ka katlo nga boto sang mga miyembro sang Kamara agud mapadayon ang impeachment case sa Senado.
Sa karon, padayon pa gihapon sa plenaryo ang pagpresentar sang pila ka mga mambabatas sang ila manifestations kag mga pagpahangup may kaangtanan sa ila boto sa impeachment proceedings batok sa Bise Presidente.
