Gin-aprubahan sang House of Representatives sa third kag final reading ang hagna nga magapalig-on sa Philippine Crop Insurance Corp. (PCIC).
Paagi sa House Bill No. 10365, indi na lamang palay kag mais ang masakop sang crop insurance lakip high-value crops, livestock, aquaculture kag fishery products, agroforestry crops kag forest plantations.
Mahimo man nga masakop sang insurance ang mga makinarya, kagamitan, transport facilities kag iban pa nga agricultural infrastructure.
Mahimo man mahatag ang life kag accident term insurance para sa mga mangunguma kag manugpangisda.
Tumong sang hagna nga mas madasig makabangon ang mga benepisyaryo halin sa epekto sang bagyo, kalamidad, sakit sang tanm kag sapat, peste kag iban pa nga pagkaperdi.
Naipasa ang HB 10365 sa boto nga 201 pabor, zero kontra kag zero abstention.
Suno kay House Speaker Faustino “Bojie” Dy III, importante ang mas mabakod nga insurance system agud indi malubong sa utang ang mga mangunguma koun maigo sang kalamidad ang ila pangabuhian.
Sa hagna, mahimo man magpatuman ang PCIC sang parametric ukon index-based insurance kag iban pa nga bag-o nga insurance products.
Padayon man nga ihatag ang government premium subsidies sa mga kwalipikado nga subsistence farmers nga nagauma sang indi sobra sa tatlo ka ektarya.
