Nagpabutyag sang suporta ang Presidente sang Kabalikat Korona sang Korondal Chapter para sa patigayonon nga Dugong Bombo buwas nga adlaw sang Sabadao, Nobyembre 15,2025.
Sa interw sang Bombo Radyo Koronadal kay Mr. Jose Raymond Marin, ang Presidente sang Kabalikat Korona, Koronadal Chapter. Ginpahayag sini nga nagapanguna ang kinahanglanon sang dugo sa lawas sang tawo, gani, daku nga bulig ang pagdonar sini.
Dugang pa kay Marin, indi lang ang mga pasyente nga nagakinahanglan sang dugo ang mabuligan, kundi pati man ang mga nagadonar, bangud ini nagabulig sa paglimpyo sang dugo sa lawas. Ang Kabalikat Korona, Korondal Chapter, isa ka serbisyo publiko nga nagahatag sang bulig nga wala sang bayad kasubong sang pagrescue, pag-assist kag pagbulig sa publiko.
Gani, gin-awhag man ni Mr. Marin ang katawhan nga magpartisipar sa palaabuton nga Dugong Bombo 2025 nga pagahiwaton sa KCC Mall of Marbel Event Center sa Sabado, Nobyembre 15, 2025, halin alas 7 sang aga tubtob alas 5 sang hapon.
