KORONADAL CITY- Magapatigayon sang Job Fair ang Department of Labor and Employment (DOLE) Region 12 kadungan sang Labor Day subong nga adlaw , Mayo 1, 2023 .
Ini ang ginpahayag ni Charles Bataga, Information Officer sang DOLE 12 sa interbyu sang Bombo Radyo Koronadal.
Suno sa iya, ang nasambit nga Job Fair ang pagahiwaton sa KCC Mall of GenSan Convention and Events Center, General Santos City (Main Event), KCC Mall of Marbel Convention Center, Koronadal City, Provincial Capitol Gymnasium, Barangay Amas, Kidapawan City kag City of Tacurong Gymnasium, Sultan Kudarat kung sa diin nagkalain-lain nga mga trabaho ang pwede applyan sang mga jobless o mga unemployed nga ginaalukar sang nagkalain-lain nga mga company , lakipna ang pipila ka mga malls.
Sa karon, nagapanawagan ang opisyal para sa pag-apply nga magpreparar kadungan sa sini nga selebrasyon nga may tema nga “𝐒𝐚 𝐁𝐚𝐠𝐨𝐧𝐠 𝐏𝐢𝐥𝐢𝐩𝐢𝐧𝐚𝐬: 𝐌𝐚𝐧𝐠𝐠𝐚𝐠𝐚𝐰𝐚𝐧𝐠 𝐏𝐢𝐥𝐢𝐩𝐢𝐧𝐨, 𝐊𝐚𝐛𝐚𝐥𝐢𝐤𝐚𝐭 𝐚𝐭 𝐊𝐚𝐬𝐚𝐦𝐚 𝐬𝐚 𝐏𝐚𝐠-𝐚𝐬𝐞𝐧𝐬𝐨.”
