Nakalabay sa Strait of Hormuz ang dosena nga mga barko sa idalom sang “management protocols” sang Iran, suno sa Revolutionary Guard, samtang ginadiskusyunan nanday US President Donald Trump kag Chinese President Xi Jinping ang importante nga ruta pandagat.
Ginkondenar naman ni Iranian Foreign Minister Abbas Araghchi ang US kag Israel bangud sa iya gintawag nga “expansionism kag warmongering,” kag ginpahayag nga ang instability sa Middle East isa ka “lose-lose proposition” para sa tanan nga kampo, lakip na ang mga agresor.
Samtang, pila ka Israeli civilians ang napilasan kag gindangat sa balay-bululngan matapos mabungguan sang explosive drone nga ginpalupad sang Hezbollah padul-ong sa Israeli territory.
Sa pihak nga bahin, ginpahayag sang talatapanni Israeli Prime Minister Benjamin Netanyahu nga “sekreto” ini nga nagbisita sa United Arab Emirates sa tion sang mga pag-atake sang US kag Israel batok sa Iran, apang ginpanginwala ini sang Ministry of Foreign Affairs sang UAE.
