Ginapasakuan ni Department of Education (DepEd) Secretary Sonny Angara ang “hiring process” sa tanan nga bakante nga posisyon sa departamento.
Sa datos, 46,703 nagikan sa 1,030,897 authorized DepEd positions ang nagapabilin nga bakante.
Suno kay Angara, kinahanglan na mapun-an ang bakante nga “new teaching and non-teaching authorized positions” bangud maka apekto sa operasyon sang mga talatapan kag trabaho sang DepEd sa pangkabug-usan sa tiun padayon ang mga ini nga mangin bakante.
Nagakaigo naman suno sa tiglikum nga i-update ang Personal Services Itemization and Plantilla of Personnel kag ang DBM-GMIS database, Program Management Information System, Quick Count for FY 2024 items, kag Deployment Monitoring Tool agud masiguro nga husto ang monitoring sang ahensiya sa bakante nga posisyon.
Sa pihak nga bahin, ginpirmahan na ni Angara ang implementing rules and regulations (IRR) sang Republic Act 11997 ukon ang “Kabalikat sa Pagtuturo” Act, nga magahatag sang teaching allowance sa mga manunudlo sa pampublikong nga mga eskwelahan.
