Posible nga makaabot sa Korte Suprema ang resulta sang impeachment trial ni Vice President Sara Duterte kon magluntad ang isyu sa ihap sang boto sang Senado.
Suno kay retired Justice Adolfo Azcuna, mahimo nga kuwestiyunon sa Korte Suprema ang desisyon sang impeachment court kon may alegasyon sang grave abuse of discretion, ilabi na kon mahatagan sang guilty verdict ang bise presidente bisan wala nakaabot sa kinahanglanon nga 16 ka boto.
Sa idalom sang 1987 Constitution, nagakinahanglan sang boto sang duha ka katlo ukon 16 ka senador agud mahatulan nga guilty ang isa ka opisyal sa impeachment.
Samtang, ginpahayag man ni anay Senate President Franklin Drilon nga posible nga madala ang isyu sa Korte Suprema, apang nagadepende ini kon batonon sang Mataas nga Hukuman ang kaso.
Dugang pa ni Azcuna, dapat nga malakip gihapon sa ihap sang mga senador si Senador Jinggoy Estrada bisan suspendido ini, bangud padayon nga nagapungko sa iya posisyon.
