Ginpasaka sa Kamara ang House Bill 9474 nga nagatinguha sa pagtukod sang isa ka unified kag standardized Emergency Medical Services System (EMSS) sa bug-os nga pungsod agud mapadasig kag mapauswag ang paghatag sang nagakinahanglanon nga bulig medikal sa tion sang emerhensya.
Sa idalom sang panukala nga ginpasaka ni Parañaque 2nd District Representative Brian Raymund Yamsuan, pagatakdon ang nagakaigo nga national standards sa emergency response, palig-unon ang training kag propesyonalisasyon sang mga medical first responders, kag pauntaton ang mas maayo nga koordinasyon sa tunga sang mga lokal nga panguluhan, mga ospital, kag emergency responders.
Lakip man sa hagna ang paggamit sang isa lang ka emergency hotline 911 sa bug-os nga pungsod, pagtukod sang EMSS Council sa idalom sang Department of the Interior and Local Government (DILG), kag paghimo sang plantilla positions para sa EMS personnel kag minimum standards para sa mga ambulansya kag iban pa nga emergency vehicles.
Suno kay Yamsuan, luyag sang hagna nga masiguro ang madasig kag pareho nga kalidad sang serbisyo medikal sa tion sang emerhensya bisan diin nga bahin sang pungsod.
