KORONADAL CITY-Naga padayon sa subong ang pagpangganyat sang grupo sang mga manunulat kag manunula ang tanan nga interesado kag mahiligon sa paghimo sang tula nga magpasakop sa ila nga grupo kag hanason ang kakayahan sang isa ka individual para maka kreer sang tula kag maka-inspira man sang iban nga mga tawo.
Ini ang panawagan sang grupo nga SOX Writers Collective, sa diin ginakomposar sang mga manunulat nga nakabase sa Rehiyon XII sa interview sang Bombo Radyo Koronadal.
Ang tumong sang ini nga grupo, amu ang pagkreer sang mga masterpiece pinaagi sa mga kat-ha ukon himo sang mga poet nga mga pyesa pinaagi sa Hybrid Ilonggo nga medium ukon lingguahe.
Suno pa kay Ruben III Castañares, secretary sang SOCCSKSARGEN Writers Collective, ang ila nga grupo ang naga usar sang ilonggo nga mga tinaga kag lingguahe para mapromotar ang mga istorya pinaagi sa mga tinaga kag lingguahe nga ilonggo.
Suno pa sa iya, free verse ukon malaya ang eskema sang pagsulat nila sang tula ukon mga piyesa sa diin halin sa mga eksperyesiya ukon inpirasyon sa isa ka butang ukon isa ka tawo. Dugang pa sini, mahimo nga sundon man sang isa ka writer ang tradisyonal nga paghimo sang tula nga may sukat kag tugma kag pwede man “malayang taludturan” ukon free verse.
