-- ADVERTISEMENT --
Nagahingyo ang Trade Union Congress of the Philippines (TUCP) sang mas mataas nga sweldo para sa mga mamumugon sa pungsod.
Ini ang panawagan sang grupo agud masabat ang mataas nga gastos sa pagpangabuhi sa sektor sang mga mamumugon.
Suno kay TUCP Vice President Luis Corral, ang P35 nga daily wage increase nga bag-o lang gin-aprubahan sang wage board ang indi makadungan sa nagataas nga inflation.
Ginpahanumdoman man sang TUCP ang wage boards nga binagbinagon ang tanan nga butang ilabi na ang kinahanglanon para sa living wage.
