Ginapaabot nga magsaka ang presyo sang produkto nga petrolyo sa masunod nga semana, kun diin posible nga magsaka ang diesel sang P9.50 tubtob P10.50 kada litro, samtang P3.50 tubtob P4.50 kada litro naman ang gatng.
Suno sa mga inisyal nga estimation, ang pagsaka sang presyo ginatuga sang nagabag-o nga tensyon sa Middle East, lakip ang pag-atake sang Iran sa mga commercial ships malapit sa Strait of Hormuz kag ang ginbalos nga airstrikes sang Estados Unidos.
Giapaabot man ang posible nga pagkauntat sang suplay sang krudo bangud sa nagnubo nga pag-agi sang mga barko sa Strait of Hormuz kag sa blockade sang US sa mga barko pakadto kag pakhalin sa mga pantalan sang Iran.
Dugang pa, nakaapekto man sa presyo ang nagnubo nga diesel exports sang Russia kasunod sang halit sa ila energy infrastructure bangud sa mga drone attacks sang Ukraine, kag ang padayon nga mataas nga demand sa fuel sa nagkalainlain nga pungsod.
