Nagapadayon ang masobra 800 ka wildfire sa bug-os nga Canada, nga nagresulta sa peligroso nga kalidad sang hangin nga nakaapekto na bisan sa pila ka estado sang Estados Unidos.
Suno sa Canadian Interagency Forest Fire Centre, may yara sang 857 ka aktibo nga wildfire, lakip ang 23 ka bag-o nga sunog nga nagapkit sang Huwebes.
Bangud sang makusog nga aso, nagpagwa sang air quality alerts ang mga otoridad sa Upper Midwest, Great Lakes kag Northeast sang US.//Ginkabig man nga “hazardous” ang kalidad sang hangin sa pila ka bahin sang Michigan kag Minnesota, gani ginapahanugutan ang publiko nga magpabilin sa sulod sang ila panimalay.
Ang dako nga grupo sang wildfire sa Ontario amo ang ginatudlo nga nagapadala sang mabug-at nga aso padulong sa Thunder Bay, Toronto, kag iban pa nga lugar.
Ginapaabot man nga ang amihanon nga hangin magadala sang aso padulong sa nagkalainlain nga estado sang US tubtob sa katapusan sang semana, lakip ang New Jersey, sa diin pagahiwaton ang World Cup final sa Domingo.
Sa pihak nga bahin, naluwas ang tanan nga trabahador sang Canadian National Rail nga na-trap bangud sang wildfire sa Ontario, matapos sila ma-rescue sang mga awtoridad, samtang temporaryo man nga ginpasuspenso ang operasyon sang tren sa apektado nga lugar.
