Masobra duha na ka tuig sang natiphag ang dike apang tubtob subong wala gihapon sang aksyon ang DPWH agod masolusyunan ang nasambit nga isyu. Sa interview sang Bombo Radyo Korondal jay Jan Gandola – Residente sang Brgy. Namnama, Koronadal City. Ginpahayag sini nga iya na gindangat ang isyu sa ila kapitan sa diin ginpaabot naman ini sang kapitan sa DPWH, apang masobra duha na katuig ang naglabay matapos ang pag-report, wala gihapon sang aksyon ang ahensya.
Dugang pa ni Gandola, bangod sa makusog nga mga bunok sang ulan, mas nagdako pa ang tiphag kag subong, nagdangat na sa 1 ka hectare na nga lupa ang naulamid sang tubig. Bangod sini, nagasulod na ang tubig baha sa ila mga palayan nga nagtuga sang mga problema sa pangpangbuhi. Nagpanawagan man sa liwat si Gandola sa mga opisyales sa barangay kag DPWH nga maaksyunan na ang problema sa dike sa ia barangay agod matapos na ang ila problema sa ila mga palayan.
