Gin-anunsyo ni Senate President Alan Peter Cayetano ang pagkreer sang Blue Ribbon Subcommittee nga magatutok sa imbestigasyon sang ginaalegasr nga multibillion-peso nga Flood Control Scandal.
Pamunuan ini ni Sen. Rodante Marcoleta, kadungan sang mas lapad nga reorganisasyon sang Blue Ribbon Committee pagkatapos sang pagbag-o sa liderato sang Senado.
Ang nasambit nga tikang ang nag-abot sa tunga sang kontrobersya matapos magrekomendar ang Department of Justice (DOJ) sang kaso nga plunder kag graft batok kay Sen. Jinggoy Estrada kag anay DPWH Secretary Manuel Bonoan may kaangtanan sa mga iregularidad sa flood control projects.
Samtang, ginpakamalaot man sang pila ka political analysts ang bag-o nga komposisyon sang Blue Ribbon Committee, nga ginapahayag nga posible makapahuyang sa kredibilidad sang imbestigasyon.
Apang ginpahayag ni Cayetano nga ang tumong sang subcommittee amo ang mas madasig nga paglantaw sang kamatuoran sa mga alegasyon sang korapsyon.
Ang Flood Control Scandal nagatumod sa ginapahayag nga anomalya sa multi-bilyon nga flood control projects nga may kaangtanan sa ghost projects, overpricing, kag kickbacks.
Paagi sa pagkreer sang subcommittee, ginapaabot nga mas mangin mas maid-id ang imbestigasyon kag magalawig pa ang panawagan angot sa pagpanabat sa mga posible nga imbolbado nga mga opisyales sang pungsod.
