Nagsaka na sa 254 ang death toll sang mabaskog nga 7.4-magnitude nga linog nga nag-igo sa western Colombia sang Lunes.
Tuman ang epekto sini sa Pereira kag Cali, kun sa diin madamo nga mga building, puluy-an, buluthuan kag health centers ang nagkalaguba.
Padayon ang rescue operations samtang ginapangita sang mga rescuers ang mga survivor nga posible natrap sa idalom sang nagkalaguba nga mga building.
Samtang, gamit sang mga rescuers ang cranes, excavators kag bisan ang ila mga kamot sa pagkuha sang mga debris.
Sa Choco, madamo nga Indigenous communities ang wala pa sang kuryente kag iban nga basic services, nga nagapabudlay sa rescue efforts.
Nagpadul-ong naman sa mga apektado nga lugar si Colombian President Abelardo De La Espriella kag nagpromisa sang economic assistance sa mga pamilya nga nadulaan sang ila mga puluy-an.
Samtang, gin-assess man sang National Coffee Federation ang danyos sa mga coffee farms kag rural infrastructure nga naapektuhan sang linog.
