Ginpahanugutan sang Lapu-Lapu City Branch 27 ang contractor nga si Sarah Discaya nga makapiyansa sang P1 million sa kaso nga Malversation of Public Funds and Anti-graft may kaangtanan sa gina-alegar P96.5 million nga ghost project sa Davao Occidental.
Magluwas sa iya, ginpahanugutan man ang finance officer sang Department of Public Works And Highways (DPWH) Davao Occidental nga si Czar Ryan Ubungen nga makapiyansa sang P300,000.
Suno sa korte, base sa ebidensya sang prosecutor, wala napakita ang partisipasyon nanday Discaya kag Ubungen sa kaso.
Sa pihak sini, indi pa makagwa si Discaya bangud non-bailable ang kaso nga ginpasaka sa iya kag sa iya bana nga si Pacifico “Curlee” Discaya sa Bulacan may kaangtanan sa P53.9 million ghost project sa Calumpit, Bulacan.
