Naghingyo si Senate Minority Leader Alan Peter Cayetano sa impeachment court nga pahanugutan sanday Sen. Rodante Marcoleta kag Sen. Jinggoy Estrada nga makatambong sa impeachment trial batok kay Vice President Sara Duterte bilang mga observer.
Suno kay Cayetano, mahimo pa makapartisipar ang duha sa proseso kun makapiyansa ukon mabasura ang ila mga kaso, gani importante nga masubaybayan nila ang testimonya sang mga testigo.
Nagpanugyan naman si Sen. Raffy Tulfo nga mahimo sila magtan-aw sang hearing paagi sa telebisyon, samtang ginpanindugan ni Sen. Robinhood Padilla ang paghatag sang pisikal nga presensya sa duha bilang mga observer.
Ginpahayag ni Senate President kag Presiding Officer Chiz Escudero nga pagatun-an sang impeachment court ang amo nga hingyo kaupod sang iban pa nga senator-judges.
Samtang, ginpabutyag man sang impeachment court nga nagapabilin ang kinahanglan nga 16 ka boto sang senator-judges agud masentintensyahan si Vice President Duterte sa impeachment case.
