KORONADAL CITY – Ginkondina sang BARMM Chief Minister Murad Ebrahim ang serye sang pagpangluthang sa magpakaisa nga menor de edad sang bahin sang Barangay Labu-labu Shariff Aguak, Maguindanao del Sur.
Ginkilala sang Shariff Aguak town police chief Lt.Col. Regie Albellera ang duwa nga napatay nga si Johari Moksin at Hamod Moksin nga taga Brgy. Kulalo, Mamasapano, Maguindanao del Sur.
Suno sa imbestigasyon, halin sa Isulan ang salakyan nga ginasakyan sang biktima apang pag abot sa dalanon sang Brgy. Labu Labu Mother, gin dikitan ini sang isa ka puti nga salakyan kag ginpangpamusil sang mga armado nga mga lalaki.
Nakatakas naman ang driver sang mga biktima samtang wala nahimo nga makagawas ang mga biktima sa ginasakyan nga salakyan.
Sa karon, padayon gihapon ang pag imbestigar sang Shariff Aguak PNP ang motibo sang nasambit nga krimen kag amo man ang pag padayon sang hot pursuit operations batok sa mga suspek.
Ginpahayag man sang BARMM Chief Minister nga nabalaka ang mga ini sa panghitabo bangud nga inosente pa nga mga kabataan ang naulamid kag nangin biktima sa pagpanglutahang patay.
Nagpaabot man sini sang pagpakig-unong sa pamilya sang biktima sang nasambit nga krimen.
