Magapasa sang pormal nga sabat ang Office of the Solicitor General sa petisyon ni Senador Ronald dela Rosa batok sa arrest warrant sang International Criminal Court.
Ini matapos hatagan sang Korte Suprema ang ehekutibo sang 72 oras agud magsumite sang ila komento. Suno sa OSG, magapasa sila antes ang deadline sa Mayo 16, 2026 alas-6:44 sang gab-i agud masunod ang mando sang korte.
Kabahin sang mga respondent nga ahensya sang gobyerno ang Office of the Executive Secretary, Department of Justice, kag Department of the Interior and Local Government.
Nauna na nga nag-apply si Dela Rosa sang Temporary Restraining Order (TRO) batok sa ICC warrant apang ginbalibaran ini sang Korte Suprema.
Ang warrant sang ICC batok sa senador may kaangtanan sa alegasyon nga isa siya ka “co-perpetrator” sa mga patay sa drug war sang administrasyon ni anay Pangulo Rodrigo Duterte.
