KORONADAL CITY – Nagresulta sa maduguon nga shootout ang ginlunsar nga operasyon sa Criminal Investigation and Detection Group (CIDG) BAR sa banwa sang Balabagan Lanao del sur.
Ginkilala sang CIDG BAR ang napatay nga si Billy Jack Ogca, Barangay Kapitan sang Poblacion Balabagan, samtang nakapalagyo naman ang apat ka mga kaupdanan sini.
Nakuha sa posisyon sang opisyal ang 6 ka matag-as nga kalibre sa armas nga ginalakipan sang apat ka Rifle kag duha ka pistola.
Magluwas sini, narekober man ang boodle money kag isa ka Pick up truck nga gingamit sang mga suspek.
Suno kay CIDG BAR Regional Chief PLTCOL. Ariel Huesca, masobra isa ka bulan man nga ginpaidalom sa surveillance anng mga suspek antes ginpatigayon ang operasyon matapos mainvolbar sa pagbaligya sang mga illegal nga armas ang mg aini.
Aoang, hugot naman nga ginpanginwala sang pamilya sang napatay nga barangay official ang kaangtanan sini sa illegal nga aktibidad.
Suno sa mga ini wala man sang nagluntad nga kambyuhanay sang lupok sa duha ka bahin.
Samtang may aligasyon naman nga nadula ang P500,000 nga kwarta sa pick up sang opisyal.
Sa karon, ginauyatanan na sang pamilya ang CCTV footage sa nagluntad nga operasyon agud mangin basehan sang imbestigasyon.
