Patuloy na sinusuri ng North Atlantic Treaty Organization ang ulat hinggil sa planong pagbabawas ng presensya ng tropang Amerikano sa Germany.
Ayon kay Allison Hart, nangangalap pa ng kumpletong detalye ang alyansa upang maunawaan kung ano ang naging batayan ng United States sa desisyong bawasan umano ng humigit-kumulang 5,000 sundalo ang deployment nito sa Europa.
Lumilitaw sa ilang ulat na inuugnay ang hakbang sa hindi ganap na pagkakahanay ng ilang bansang Europeo sa posisyon ng U.S. at Israel kaugnay ng tensyon laban sa Iran. Gayunman, wala pang pinal at opisyal na paliwanag na inilalabas na kumukumpirma sa eksaktong dahilan.
Samantala, naiulat din na muling binatikos ni Donald Trump ang NATO, tinawag itong “paper tiger” at kwestiyon ang halaga nito bilang isang alyansang panseguridad.
Sa ngayon, patuloy ang koordinasyon sa loob ng NATO habang hinihintay ang mas malinaw na posisyon at detalye mula sa panig ng Estados Unidos.
