Pangaluyagan ni President Ferdinand Marcos, Jr. kag Alyansa para sa Bagong Pilipinas ang Mindanao subong nga adlaw, Pebrero 15.
Baluwarte ini sang mga Duterte apang suno sa campaign manager sang Alyansa nga si Navotas City Rep. Toby Tiangco, nagasalig sila sa resulta sang 2022 elections kun sa diin nakuha ni Marcos ang landslide victory sa Davao del Norte nga may 470,000 ka mga boto sa 577,781 registered voters.
Sang amo nga tion, maayo pa ang relasyon sang Uniteam kun sa diin kaupod ni Marcos si Vice President Sara Duterte.
Antes sini nga Mindanao leg, natabo ang kick-off sang kampanya sang senatoriables sang administrasyon sa Laoag City, Ilocos Norte nga balwarte sang mga Marcos. Sang Huwebes, gindala ang kampanya sa Iloilo City.
Sa pareho nga kampanya, pareho nga nagpalagtik si Marcos sa mga kandidato nga gina-endorso ni former President Rodrigo Duterte.
