Nagpanawagan si anay Presidential Speaker Atty. Harry Roque sa publiko nga mag-isa sa People Power para mapahalin sa pwesto si Presidente Ferdinand Marcos Jr. Pagahiwaton ang ginatawag nga People Power sa Forbes Park kon sa diin nagaistar ang pila sa mga pulitiko nga imbolbado sa maanomalyang flood control projects.
Suno kay Roque, husto lamang nga dalhon sa ugsaran sang mga kurakot nga pulitiko ang rally agud mas mabatyagan nila ang kaakig sang mga pumuluyo sa kurapsyon. Ginhatagan punto ni Atty. Roque, nga ang dapat basulon sa kurapsyon amo si Presidente Ferdinand Marcos Jr. bangud ini ang nagapamuno sa pungsod.
Dugang pa niya, indi kuno mahimo nga makapangawat sang daku nga kwarta sa gobyerno sanday anay House Speaker Martin Romualdez kag anay Cong. Zaldy Co kon wala sang pagtugot ni Presidente Marcos.
