KORONADAL CITY – Ginpabaskog pa sang Department of Agriculture (DA) 12 kag sang tanan nga mga partner agency subong man stakeholders nga magpatuman sang mga tikang agud nga mapunggan ang paglata sang African Swine Fever ukon ASF sa SOCCSKSARGEN.
Kalakip sa mga tikang nga ini ang coordinated actions kag komunikasyon sa mga veterinary professionals kag local government units.
Ini ang para mas mapasanyog pa ang disease surveillance kag biosecurity measures para maprotektahan ang mga hinuptan nga sapat rehiyon.
Naistoryahan ini sa ginpatigayon nga emergency meeting nga ginpatawag sang DA 12 sa pagpamuno ni Regional Executive Director Roberto Perales.
Suno kay DA 12 Regional Animal Diagnostic Laboratory Chief Dr. Jobienaur Moscoso, tinutuyo sang pagsinapol nga ma-assess ang sitwasyon kag makapatuman sang mga interbensyon para mapunggan ang pagkalat sang ASF sa rehiyon.
Ini matapos man nga magpositubo sa ASF ang pila ka mga banwa sa Cotabato province.
