KORONADAL CITY – Boluntaryo ng nagsungka ang anum ka miyembro sang komunista nga grupo sa South Cotabato Provincial Police Office pagkatapos sang pagpang-awhag nga magbalik ang mga ini sa sabak sang gobyerno.
Suno kay PCol Nathaniel Villegas, Provincial Director sang SCPPO, mismo sa kasagsagan sang pagselebrar sang ika-53 nga anibersaryo sang pagtukod sang NPA, lima ka mga katapu sang GF 73 FSMR kag isa ka mass supporter sang guerrilla front alip (GF 72) ang boluntaryo nga nagsungka bitbit ang ila mga armas.
Dugang pa ni Villegas, nagpatigayon sang community outreach programs ang SCPPO sa probinsiya labi na sa mga lugar kun diin nagaoperar ang mga ini.
Bilang resulta, nasungka ang mga ini sa mga otoridad sa tinutuyo nga mabuligan sila sang gobyerno labi na sa ila nga pamilya.
Bilang reward, ginhatag ang mga ini sang cash assistance kag grocery items.
Kadungan sini, gin-awhag man sang opisyal ang iban pa nga katapu sang NPA nga magsungka naman sa mga otoridad agud nga mangin kabahin sang Enhanced Comprehensive Local Integration Program (E-CLIP).
