Nagapadayon ang konstruksyon sang duha ka dugang nga traffic lights sa Syudad sang Koronadal nga ipahamtang sa Arellano-Robredo kag Depita, Gensan Drive, agud mas mapauswag ang pagdumala sang trapiko sa amo nga mga lugar.
Sa interview sang Bombo Radyo Koronadal, ginpahayag ni Joy Placer, hepe sang Koronadal City Traffic Management Division, nga kabahin ini sang tikang sang syudad agud mahagan-hagan ang pagsinulod-sulod sang mga salakyan kag malikawan ang posible nga mga aksidente sa dalanon.
Suno kay Placer, paagi sa pagbutang sang dugang nga traffic lights, mas ma-regulate ang pag-agi sang mga salakyan kag masiguro ang mas organisado nga dalagan sang trapiko, ilabi na sa mga lugar nga nagakinahanglan sang mas maayo nga traffic control.
Sa karon, may kabug-usan na nga lima ka traffic lights sa nagkalain-lain nga bahin sang Koronadal City nga nagabulig sa pagdumala kag pag-regulate sang dalagan sang trapiko.
Ginalauman nga ang pagkompleto sang duha ka dugang nga traffic lights makabulig sa pagpaayo sang kahimtangan sang trapiko kag pagpaidalom sa mas maayo nga pagdumala sang mga motorista sa nasambit nga mga dalanon.
