Nakarekord sang bag-o nga Guinness World Record ang British runner nga si George Scholey matapos masulbad ang apat ka Rubik’s cube samtang nagadalagan sang isa ka milya sa sulod lamang sang lima ka minutos kag 9.25 segundos.
Ginpamatud-an ni Scholey ang iya ikasarang sa pagdalagan kag pagsulbad sang puzzle cubes sang Oktubre 12, agud makuha ang rekord para sa pinakamadasig nga tion sa amo nga buluhaton.
Sa iya hagit, kinahanglan niya anay tapuson ang isa ka Rubik’s cube antes magdalagan sang isa ka tuyok sa track, kag liwat-liwaton ini tubtob masulbad ang apat ka cube kag makompleto ang isa ka milya.
May yara na man sang pila ka rekord si Scholey, lakip ang pinakadamo nga puzzle cubes nga nasulbad samtang nagasakay sa skateboard kag ang 6,931 ka cube nga iya nasulbad sa sulod sang 24 oras.
