Gina-awhag sang COMELEC Koronadal City ang mga botante nga magparehistro ukon magpa-update sang ila voter registration records para sa May 2028 National and Local Elections antes ang July 30, 2027 deadline.
Sa interview sang Bombo Radyo Koronadal, ginpahayag ni City Election Officer Atty. Maleiha Usman-Loong, available ang new registration, transfer of registration, reactivation sang deactivated records kag correction of entries. Kinahanglan man sang marriage certificate ang mga magapa-update sang civil status halin single pakadto married.
Suno kay Loong, nga may yara man sang Register Anywhere Program nga nagatugot sa mga botante nga magpa-register ukon transfer sa pinakamalapit nga COMELEC office.
Sa datos sang opisina, kapin 129,000 na ang regular voters sa siyudad sang Mayo 2026, kag ginapaabot nga madugangan pa ini sang 1,000 tubtob 2,000 ka botante.
Dugang ni Loong, nga wala naman sang face-to-face transactions kada Lunes halin Nobyembre 9 tubtob Marso 29, 2027 bangud sa work-from-home arrangement. Bukas ang registration services kada Martes tubtob Biyernes.
Ginahingyo sang COMELEC ang publiko nga magdala sang government-issued ID kag kinahanglanon nga dokumento.
Sa ulihi, ginpanawagan ni Loong nga mahimo magtransaksyon sa COMELEC office sa Integrated Terminal, Syudad sang Koronadal.
