Nanghingyo ang legal team ni anay Presidente Rodrigo Duterte sa International Criminal Court (ICC) nga kakason sa listahan sang mga testigo sang prosekusyon ang duha ka indibidwal bangud suno sa depensa, wala ini sang direkta nga personal nga kahibalo sa mga alegasyon batok sa ila kliyente.
Sa redacted request nga ginpasaka sang Nobyembre 9, ginpangabay ni Peter Haynes, abogado ni Duterte, sa ICC Trial Chamber III nga kuhaon ang mga testigo nga ginakilala bilang P-1334 kag P-1348.
Suno sa depensa, ang mga pahayag sang duha ka testigo nabase lamang sa mga impormasyon halin sa media kag mga estorya sang iban, lakip ang mga insidente nga may kaangtanan sa kampanya kontra droga sang nagligad nga administrasyon.
Ginkwestyon man sang kampo ni Duterte ang kapasidad sang mga testigo nga maghatag sang direktang impormasyon bahin sa mga desisyon kag operasyon nga gina-angot sa alegasyon sang killing quotas, financial rewards kag target lists.
Samtang, nagapangatubang si Duterte sang tatlo ka kaso sang crimes against humanity sa ICC, nga natalana nga magsugod ang trial sa Nobyembre 30, 2026.
Wala pa sang ginpagwa nga desisyon ang ICC Trial Chamber III bahin sa ginpangabay sang depensa.
