Nagpadayon ang maragtas nga kampanya sang Filipina tennis star nga si Alex Eala matapos niya masulod ang ika-15 nga pwesto sa pinakabag-o nga Women’s Tennis Association (WTA) rankings.
Nakaangkon si Eala sang duha ka pwesto nga pag-uswag halin sa iya anay world No. 17 nga ranggo, kasunod sang iya pag-abot sa finals sang 2026 Hong Kong Open.
Sa edad nga 21 anyos, nangin pinakamataas ang ranggo nga tennis player sa Southeast Asia si Eala kag ikaduha naman sa bug-os nga Asia.
Nalab-ot man niya sa rankings ang apat ka beses nga Grand Slam champion nga si Naomi Osaka sang Japan.
Base sa live rankings, may yara na si Eala sang 2,392 puntos.
Kaangot sini, dako ang iya gin-uswag sa sini nga tuig matapos maghalin sa world No. 53 sang pagsugod sang 2026.
Sa kabug-usan, nagsaka ang Filipina Tennis star sang 38 ka pwesto matapos magpartisipar sa 29 ka torneyo kag mag-angkon sang una niya nga Tour-level title sa Washington, D.C.
