Ginpahayag sang House prosecution nga mahigko nila nga usisaon ang 24 ka posible nga testigo nga ipresentar sang kampo ni Vice President Sara Duterte sa pagpadayon sang impeachment trial sa Nobyembre 9.
Suno kay House prosecutor kag Bicol Saro Party-list Representative Terry Ridon, magapamatok sila sa mga testigo nga wala sang direkta nga kaangtanan sa alegasyon tuhoy sa ginapatihan nga indi maathag nga manggad sang Bise Presidente.
Apang ginpasiguro man niya nga hatagan gihapon sang bastante nga kahigayunan ang depensa nga mapahayag ang ila panig. Magapasa lamang sila sang pagtumod kon ang testimonya sang testigo wala sang kaangtanan sa kaso.
Ginkwestyon man ni Ridon kon makabulig gid ang mga ginlista nga testigo, lakip ang mga opisyal sang bangko, representante sang mga korporasyon kag empleyado sang lokal nga panguluhan, sa pagsabat sa mga ebidensya sang prosecution.
Samtang, ginpahayag ni House prosecution spokesperson Atty. Benjamin “Jay” Tolosa Jr. nga bukas sila sa kasugtanan sa mga ebidensya nga wala na kinahanglan pagdiskusyunan agud malikawan ang wala sing pulos nga pagpalawig sang paglilitis.
Nahibaluan nga ginbaton na sang Senate impeachment court ang mga dokumento pinansyal nga ginpresentar sang prosecution, nga nagalakip sang alegasyon tuhoy sa wala nade klarar nga manggad nga nagaabot sa P817.87 milyon halin 2022 tubtob 2025.
Ginpabutyag ni Ridon nga kinahanglan ang mga testigo nga makasabat sa tagsa ka alegasyon kag makapaathag sang mga ebidensya, indi ang mga testigo nga wala sing direktang kontribusyon sa kaso.
