Nagahatag sang kahigayunan ang PhilHealth 12 sa mga establisimiento nga magpangabay sang pagpatigayon sang Yaman ng Kalusugan Program (YAKAP) Caravan agud mapalapit ang serbisyo medikal sa mas madamo nga pumuluyo sa rehiyon.
Sa interview sang Bombo Radyo Koronadal kay Hanah Naanep, Public Relations Officer sang PhilHealth 12, ginpahayag sini nga may mga kawani ang talatapan nga ginatugyanan sa pag-upod sa YAKAP Caravan agud magbulig sa pagparehistro sang mga tawo kag paghatag sang serbisyo medikal.
Suno kay Naanep, kinahanglan lamang nga magsumiter ang interesado nga establisimiento sang sulat pangabay sa ila talatapan kag makatigom sang indi magnubo sa 100 ka partisipante agud makapangayo sang amo nga serbisyo.
Paagi sa sini, mahimo magpadala ang PhilHealth sang mga doktor, medical team kag pharmacist agud maghatag sang pagpa-usisa kag bulig medikal sa mga partisipante.
Dugang pa niya, wala lamang nagalimit sa pagpa-usisa ang serbisyo sang YAKAP Caravan bangud nagahatag man ini sang mga bulong sa mga pasyente suno sa resulta sang ila pagpa-usisa.
