Nagasaka sa pito ka bulan nga pinakamataas nga lebel ang kwarta nga ginapadala sang mga Pilipino sa abroad padulong sa ila mga pamilya sa Pilipinas sang Hulyo, nga nagahatag sang dugang nga suporta sa mga panimalay kag ekonomiya tunga sang pagsaka sang presyo sang mga baraklon.
Suno sa Bangko Sentral ng Pilipinas ukon BSP, nagdangat sa 3.2 bilyon dolyar ang cash remittances nga ginpadala paagi sa mga bangko, mas mataas sang 1.9 porsyento kumpara sa amo man nga tion sang nagligad nga tuig.
Ini ang pinakataas nga monthly inflow halin Disyembre 2025.
Sa una nga pito ka bulan sang tuig, nagdangat sa 20.4 bilyon dolyar ang kabug-usan nga remittances, ukon 2.3 porsyento nga pagsaka kumpara sa nagligad nga tuig.
Ginalauman sang BSP nga magdangat sa 36.6 bilyon dolyar ang remittances sa katapusan sang tuig, nga mas mataas sang 2.7 porsyento kumpara sa 2025.
Samtang, ginpahayag sang mga ekonomista nga nagapabilin nga importante ang remittances bangud nagabulig ini sa mga panimalay sa pag-atubang sang pagsaka sang presyo kag nagahatag man sang padayon nga suporta sa domestic economy.
