Gin-usisa ni Senator-Judge Erwin Tulfo ang pagkilala ni Samal City Assessor Engineer John Kenneth Enumerables sa mga lugar nga sakop sang iya responsibilidad, matapos indi niya matumod ang pila ka detalye parte sa mga propedad nga ginatalakay sa impeachment trial batok kay Vice President Sara Duterte.
Sa tion sang pagpamangkot, ginwestyon ni Tulfo kun paano masiguro sang assessor ang kaayuhan sang iya pag-assess sang mga propedad kon wala siya sang igo nga kahibalo sa lokasyon sini.
Natabo ini sa pagtalakay parte sa Barangay San Isidro kag Barangay Matanos, nga nalakip sa mga dokumento sang mga propedad nga may kaangtanan sa Statement of Assets, Liabilities and Net Worth (SALN) ni Duterte.
Samtang, gin-athag ni Senate impeachment court Presiding Officer Francis “Chiz” Escudero nga wala naghalin sa testigo ang paghingadlan sang duha ka lugar, kundi nakasulat ini sa dokumento nga ginatalakay sa impeachment trial.
