Ginpahayag ni Bureau of Internal Revenue (BIR) Commissioner Charlito Martin R. Mendoza ang iya pagbaton sa bag-o nga katungdanan bilang pinuno sang Bureau of Customs (BOC) matapos siya gintalana ni President Ferdinand Marcos Jr.
Sa iya pahayag sadtong Nobyembre 12, 2026, nagpasalamat si Mendoza sa pagsalig sang Pangulo kag sa mga kawani sang BIR nga kaupod niya sa pagpatuman sang mga proyekto para sa pagbag-o sang sistema sang ahensya paagi sa teknolohiya.
Ginpangabay man niya ang mga kawani sang BIR nga suportahan ang iya masunod nga hul-os nga si Rolando T. Ligon Jr. agud mapadayon ang mga programa sa pagpaayo sang sistema sang pagbuhis.
Samtang, ginpasalig ni Mendoza nga ipadayon kag palaparon pa niya ang mga reporma nga ginsugdan ni anay BOC Commissioner Ariel F. Nepomuceno, ilabi na sa pagpalig-on sang seguridad sa mga dulunan sang pungsod, pagpadayon sang mataas nga koleksyon sang buhis kag pagpasanyog sang lehitimo nga pagbaligyaay.
