“It has never happened in the history of SUKELCO or SOCOTECO or any electric cooperative and I’m sure it will never happen kasi illegal po iyon”
Ini ang nangin sabat ni Sultan Kudarat Governor Datu Pax Ali Mangudadatu sa mga alegasyon ni South Cotabato Governor Reynaldo S. Tamayo Jr nga ang pila ka mga member-consumer sang SOCOTECO 1 ang naga bayad sang mga unpaid bills sang banwa sang Lutayan, Sultan Kudarat nga ginakarga sa Systems Loss Charge.
Ginpaathag ni Gov. Mangudadatu nga ang Systems Loss Charge ang nabutang sa electic bills sang mga member-consumers para ma cover ang mga non- technical cost and losses of energy generation kag indi ang mga unpaid bills. Gin pahayag man sini nga maathag ang Magna Carta for Private Residential Electricity Consumers kag wala gid may natabo nga ginabill sa isa ka tawo ang unpaid bill sang iya nga tupad-balay. Ginpahayag man ni Governor Mangudadatu nga gina-respeto sini si Governor Tamayo pero tumong lang sini nga mangin klaro sa tanan.
Ginpahayag man sini nga kun may mga problema man nga ginapangatubang sa tunga sang probinsiya sang South Cotabato kag banwa sang Lutayan, preparado ini nga magtanyag sang bulig .Ginpahayag man sini nga nakahinun-anon na niya ang SOCOTECO-I kag nagsiling nga wala suno pa sang may natabo nga kulukasubong sa alegasyon ni Gov. Tamayo. Bukas naman ang waragwagan sang Bombo Radyo Koronadal sa sabat sang pamunuan sang SOCOTECO-1 angud sa nasambit nga issue.
Sa subong wala pa sang opisyal nga pahayag ang pamunuan sang SOCOTECO-1 sa nasambit nga alegasyon.
