Ginpahayag ni anay DPWH Secretary Manuel Bonoan nga nakreer ang “Senate Leadership Fund” matapos mabalaka si Pangulong Ferdinand Marcos Jr. sa kadakuon sang mga congressional insertion sa national budget.
Gintuyo ini suno kay Bonoan nga mapasulod na sa proposed Department of Public Works and Highways budget ang priority projects sang mga senador kag malikawan ang pagbuhin sang pondo sang ahensya.
Nagsugod ang problema sang 2023 sang nagnubo ang pondo para sa foreign-assisted projects sang DPWH halin sa P70.71 bilyon pakadto sa P7.938 bilyon, nga kaupod sang dugang nga pondo nagresulta sa 8,075 ka inserted projects.
Gindugang man ni Bonoan ang fund nga may minimum nga P500 milyon kada senador, samtang ang Senate President kag committee chairpersons may indi magnubo sa P1 bilyon.
Naglab-ot sa P13.29 bilyon ang nagamit halin sa fund sang 2024 kag ginabulubanta nga P21 bilyon sang 2025.
Apang, ginpahayag ni Bonoan nga wala napunggan sang fund ang budget insertions kag mas nagdamo pa ang congressional initiatives sa 2024 kag 2025.
Nagaatubang si Bonoan sang plunder case kaupod si Senator Jinggoy Estrada, samtang interesado ang Ombudsman nga gamiton siya bilang state witness batok kay anay House Speaker Martin Romualdez.
