Ginmanduan ni President Ferdinand R. Marcos Jr. ang mga concerned government agencies nga mangin alerto samtang nagapadayon ang epekto sang habagat sa pila ka bahin sang pungsod.
Suno sa Malacañang, suod nga ginamonitor sang Presidente ang sitwasyon, ilabi na sa mga lugar nga prone sa pagbaha kag mga komunidad nga malapit sa mga dam kag reservoir nga nagasaka ang water level.
Ginpahimo man ni Marcos ang mga ahensya sang kinahanglanon nga preventive measures agud maproteheran ang mga komunidad kag critical infrastructure, kag masiguro ang koordinado nga pagdumala sang water releases.
Suno kay Palace Press Officer Claire Castro, pila ka dam sa Luzon ang nag-abot na sa spilling level, apang padayon nga ginamonitor kag ginamanage ang ila water levels.
Nagpadayon man ang pagmonitor sang Presidente sa sitwasyon agud masiguro nga preparado ang mga ahensya sang gobyerno sa pagresponde samtang nagabag-o ang kahimtangan sang panahon.
