Gin-kuwestyon ni Defense Lead Counsel Atty. Sheila Sison ang pagbag-o sang pagkasunod-sunod sang mga testigo sa ika-36 nga adlaw sang impeachment trial batok kay Vice President Sara Duterte.
Nagluntad ini matapos indi makadalo ang presenting lawyer sang prosecution panel bangod sa pagkasakit, gani ginpanukala nga ipadayon anay ang pagpresentar sang testigo halin sa Bureau of Internal Revenue ukon BIR.
Suno kay Sison, indi ini patas sa panig sang depensa bangod sila pa ang kinahanglan mag-adjust sa gulpi nga pagbag-o sang witness presentation.
Ginpahayag niya nga yara naman sa Senado ang BIR witness kag yara man didto ang madamo nga miyembro sang prosecution panel nga mahimo kuntani nakapanghanda na para sa pagpamangkot sa testigo.
Gindugang ni Sison nga posible man nga naistoryahan na sang prosecution team ang mga pamangkot kag sakop sang ila direct examination sa BIR witness.
