-- ADVERTISEMENT --
Nagsaka ang Philippine Stock Exchange index (PSEi) sang 1.01 porsyento ukon nagtapos sa 6,286.70 puntos sa katapusan nga trading sang semana, samtang ang All Shares Index nagsaka man sang 0.68 porsyento sa 3,393.34 puntos.
Nagsaka man ang tanan nga sectoral indices, nga ginpangunahan sang Mining and Oil nga may 2.32 porsyento nga pagsaka.
Suno sa mga eksperto, ginpangunahan sang bargain hunting sang mga investors ang pagsaka sang merkado kasunod sang overnight rally sa Wall Street kag sang paguntat sang kabalaka sa tensyon sa tunga sang Estados Unidos kag Iran.
Samtang, nagkusog man ang piso batok sa US dollar kag nagsira sa ₱61.51 kada dolyar, mas maayo kumpara sa ₱61.60 nga pagsarado sang nagligad nga adlaw.
