Nag-angkon ang Iran nga naglunsyar ini sang pag-atake batok sa mga base militar kag estratehiko nga sentro sang Estados Unidos sa Bahrain, Kuwait, kag Qatar, kasunod sang ikaduha nga asod-asod nga gab-i sang pagpamomba sang US sa mga siyudad sang Iran.
Base sa mga report, 14 ka tawo ang napatay kag 78 ang napilasan sa sulod sang duha ka adlaw nga pag-atake.
May mga paglubog man nga napagkit sa mga siyudad sang Iran nga yara sa Strait of Hormuz, lakip na ang Bushehr, Chabahar, Bandar Abbas, kag Sirik.
Suno kay US President Donald Trump, ang mga airstrike amo ang “retribution” ukon balos sa gin-alegar nga mga pag-atake sang Iran batok sa mga barko nga nagaagi sa Strait of Hormuz.
Sa pihak nga bahin, ginlubong sa iya natawhan nga banwa sa Mashhad ang napatay nga Supreme Leader sang Iran nga si Ali Khamenei, matapos nga milyones ka tawo ang nagtambong sa iya mga funeral procession sa mga siyudad sang Najaf kag Karbala sa Iraq.
