Patay ang patay samtang duha ang pilason matapos ang nagluntad nga insidente ang duha ka motorsiklo sa National Highway sang Gen. Santos Drive, sa atubang sang Raiven Gasoline Station, Barangay Zone III, Koronadal City, South Cotabato, pasado alas singko sang aga sini nga Oktubre 5, 2026.
Ginkilala ang ginbawian sang kabuhi kay si Ralph Lauren Jordan Improgo, 23 anyos, residente sang Purok Pag-asa, Reyes, Banga, South Cotabato kag drayber sang Yamaha NMAX nga kolor itom kag may plate number M929MX.
Samtang, pilason naman ang drayber sang Kawasaki CT 125 nga may sidecar, nga ginkilala kay Alyas Toto, 34 anyos, residente sang Purok Tony Ko, Barangay Zone III, Koronadal City, kag ang iya pasahero nga si alyas si Bong, 18 anyos, residente sang Megaland Subdivision, Koronadal City.
Sandig sa inisyal nga imbestigasyon sang Koronadal City Police Station, ang Kasalakyan 1 nga ginamaneho ni Baylon nagabiyahe sa National Highway sang Gen. Santos Drive halin sa direksyon sang New City Hall kag nag-left turn pakadto sa Robredo Street.
Samtang nagaagi naman sa amo nga lugar ang motorsiklo nga ginamaneho ni Improgo, halin sa direksyon sang Roundball Area pakadto sa New City Hall.
Pag-abot sa lugar, nabunggo sang unhan nga bahin sang Yamaha NMAX ang tuo nga bahin sang Kawasaki nga may sidecar, nga amo ang gintunaan sang insidente.
Gilayon naman nga gindangat sa South Cotabato Provincial Hospital para sa medikal nga pagbulong ang duha ka sakay sang Kawasaki CT 125.
Apang, gindeklarar nga Dead on Arrival ukon DOA si Improgo sang attending physician nga si Dr. Ismael Parcon, pasado alas 6:00 sang aga.
Sa karon, padayon naman ang imbestigasyon sang otoridad agud matumod ang kumpleto nga detalye sang insidente.
