Nakatutok na ang mga football fans sa pagsisimula ng quarterfinal round ng FIFA World Cup matapos makumpleto ang walong koponang aabante sa mahalagang yugto ng torneo.
Kasama sa mga nakapasok ang France, Morocco, Norway, England, Spain, Belgium, Argentina, at Switzerland na maghaharap para sa pagkakataong makapasok sa semifinals.
Unang magtatapat ang France at Morocco na nakatakda bukas, alas-3:00 ng madaling araw, Philippine time, sa Boston Stadium sa Estados Unidos.
Kasunod nito ang laban ng Spain at Belgium na gaganapin sa Los Angeles Stadium sa Sabado, alas-3:00 ng madaling araw, oras sa Pilipinas.
Sa Linggo naman, alas-5:00 ng madaling araw, maghaharap ang Norway at England sa Miami Stadium.
Isasara naman ng Argentina at Switzerland ang quarterfinal matches sa kanilang pagtutuos sa Kansas City Stadium sa Linggo, alas-9:00 ng umaga, Philippine time.
Mas tumitindi ang bakbakan habang papalapit ang torneo sa kampeonato, kung saan bawat koponan ay isang panalo na lamang ang layo mula sa semifinals.
